Achte doarpen en stęden fan it Keppelfeest,
geplaatst op 24-10-2011GPTV fan Harns tinkt dat it bysûnder aardich is en bring in besite oan jimme doarp of stêd. In ynwenner dy’t it aardich ta liket lêst it gedicht op, wêr’t ien sin al fan op de flagge stiet. Alle gedichten fan alle 60 plakken kin men no lêze op www.keppelje.nl. Stryk mei de mûs oer de foto mei de flagge fan Aldeboarn; “djipwei longert in gjalp” en klik op ‘flagje foar taal- de gedichten’. Dêrnei de blauwe tekst efter de plaknammen oanklikke!
Fansels hat GPTV in lytse ynhelslach te dwaan op de doarpen, dy’t de flagge al útstutsen hawwe. Mar dêr rêdt GPTV him wol mei.
Jim hawwe sa in moaie kâns om jim doarp of stêd justjes yn ’t sintsje te setten.
It ienige dat GPTV fan jimme freget; “Wa út jimme plak is ree en draach it gedicht, mei oerjefte foar, steand ûnder jimme eigen flagge?”.
Dyjinge dy’t dat dwaan wol, kin him opjaan troch syn namme, tillefoannûmer, wenplak en e-postadres te stjoeren oan info@linum.nl
GPTV kriget dan fan my dy list mei foardragers, en sil op tiid kontakt opnimme foar in ôfspraak yn jimme plak.
Wachtsje net te lang! Foaral dy plakken dy’t de flaggen al út hawwe of op koarte termyn de flagge útstekke sille!
Ut namme fan de Keppelfeestkommisje.
Siem de Vlas, Ljouwert
(06 – 27 21 29 88)
Terug
Top